LAND RESOURCES, SOIL & WATER CONSERVATION DEPARTMENT CHUAN KUM 2024 ATAN INHLANTHARNA HUN AN HMANG

                   Land Resources, Soil & Water Conservation Department chuan vawiin ni 16.01.2024 (11:00 Am) hian Land Resources, Soil & Water Conservation Department Conference Hall-ah inhlantharna hun an hmanga, Pu Lalthansanga, Hon’ble Minister, Land Resources, Soil & Water Conservation leh Dr.Kenneth Chawngliana, Vice-Chairman, Mizoram State Planning Board te’n an hmanpui a ni.

                   He inhlantharna hun hi Pi K.Lalrinzuali IAS, Secretary to the Government of Mizoram, Land Resources, Soil & Water Conservation Department in kaihruaiin, Pu R.Lalneihliana, Assistant chuan hunserh a hmanga, Pu Hualthanga Chhakchhuak, Director chuan Department chanchin, hmalakna leh hmachhawp tlangpuite a sawi bawk a ni. Pu Lalthansanga, Hon’ble Minister in thu sawiin, dikna, rinawmna leh inpekna nena thahnemngai taka hna thawk theuh turin thawktu zawng zawngte a sawma, Kumthara hmalakna tur hrang hrangte a sawi bawk. Dr.Kenneth Chawngliana, Vice-Chairman, Mizoram Planning Board pawhin thu sawina hun a hmang bawk. Pi Rosy Lalmuansangi Hmar, Joint Director (Adm) in lawmthu sawina neiin hun tawp a khar a ni.